الخل هو سر المناشف الناعمة والغسيل الابيض

لغسيل ابيض ناصع البياض

طبعا الغسيل بالكلور اللي مفروض بيبيض مع تكرار الغسيل بيصفر فالحل كالاآتي هانجيب الغسيل الابيض و ننقعة من بالليل الي الصبح في ماء و عليه 2ونصف كوب خل او علي حسب كمية الغسيل و الصبح هانخد الغسيل

من غير شطف ولا عصر و نحطة في الغسالة و نشغلها عادي زي مابنغسل طبيعي و ان شاء الله هانلاقي الابيض بقي ابيض ناصع و منور و طبعا الخل هايحافظ علي الغسالة مش احنا بنشغل الغسالة كل شهر علي الفاضي بالخل بس كدورة تنظيف للغسالة دلوقتي هانضرب عصفورين بحجر واحد هانغسل و هاننضف حلة الغسالة من اي ترسبات ممكن تضرها و تاثر علي كفائتها في الغسيل

طريقة ثانيه 
لو معندكيش وقت لنقع الملابس البيضاء 
ضعي الخل في درج المسحوق مع المسحوق 
واغسلي

الغسيل الابيض بدورة الغسيل العاديه

نصيحه 
لو عندك غساله نص اتوماتيك ضيفي الخل مع الميه

لو بتغسلي علي ايدك لازم تنقعي من بليل

الخل مش حيفضل ريحته في الملابس متقلقيش خالص

اغسلي دايما الالوان لوحدها والابيض لوحده